السبت، 24 أبريل، 2010

الزوجة 13





يوم الخميس اللي طاف سهرنا وسوينا سينما منزلية قعدة أحوس في القنوات ساعة أدور شي


سنع مالقيت كله أفلام مكررة لا واللي يضحك تشوفين الفيلم نفسه على أكثر من قناة في نفس


الوقت كأنه سباق منو يحطه أول


يعني ميلودي وسينما حاطين فيلم واحد من الناس الفرق بين الفيلمين أن قناة مبلشه ربع


ساعة قبل الثانية وفازت مليودي في السباق :)

وباقي القنوات يايبه فيلم زكي شان ويا أنا ياخالتي حفظناهم صم والله لو دخلونا فيهم أمتحان


لا أيب الدرجة النهاية متأكده ومن غير ما أراجع بعد


المهم نزلت فر في الريموت لين طفشت قلت خلاص بروح أنام وايد أحسن بس قلت خلاص


بعطي التلفزيون فرصة أخيرة ياألاقي شي زين يا أنام وأنا أفر لقيت فنون حاطة فيلم


الزوجة 13 قلت خلنا نشوفه صاير لنا دهر ماشفنا فيلم أبيض بأسود


وقعدت وظبطت القعدة وما تحلى القعدة إلا مع الحلا والعصير والمقرمشات اللي يحبها قلبكم


وسهرنا سهرة حلوة كلها وناسة وضحك والحمد لله


بصراحة حيييييييييييييييييييييييييل عجبني الفيلم صج أنا شايفته من قبل بس من سنين ولما


شفته مرة ثانية اللي ونسني الكوميديا الراقية اللي فيه ضحك حلو من غير إسفاف وقصة


أحلى

وسلامتكم :)


الجمعة، 23 أبريل، 2010

أفلام الصيف










السلام عليكم




بما ان الصيف قرب والأفلام العربية في سباق مع الزمن للنزول كنت قاعدة أتناقش مع
أختى في هذا الموضوع





العاده كل سنه في الصيف أنزل مصر أشطب على الأفلام وكنت أستانس حيل كانت الطلعة
عبارة عن فيلم ومطعم أو كافيه وكنت أنطر الصيف على أحر من الجمر عشان أشوف
الافلام فأنا من عشاق الفن السابع




كانت الأفلام كوميديا حلوة وخفيفة ومحترمة




أو قصص بس هم حلوة ومن غير عنف



نطلع من الفيلم مغيرين المود ومستانسين



ولكن للأسف في أخر سنين وخاصة نقدر نقول أخر سنتين صارت الأفلام أفلام سوق أفلام
تجارية بحته


وطلعو في موضة جديدة الفيلم يا عنف يا قلة أدب لازم تختار واحد من الأثنين لأن مافي
ثالث





طيب واللي ما يبي هذا ولا هذا شنو يسوي ؟



يعني الواحد بدال لايدش السينما يغير جو يطلع منكدين عليه :(



طيب ليش ؟



لازم يكون في تنوع أكثر في المضامين ولازم يراعون جميع الأذواق يعني فعلا هالسنتين
نادر جدا ما شفت فيلم وعجبني وكان راقي في طرحة


يمكن منهم الفيلم اللي تكلمت عنه في بوستي الماضي ( طير إنت )
وفيلم رمضان مبروك أبو العلمين
ولاد العم
وميكانو
وبعض الأفلام البسيطة اللي ماتتجاوز نسبتها 5% من مجموع الأفلام اللي تنزل


فانا قلت لنفسي أن المشكلة فينا أحنا أحنا اللي ندش الافلام ونكسبهم ولا لو موشايفين
الأقبال بهالشكل ما أستمرو


وبعدين اللي يضحكني أني كنت لما أروح أحجز كنت أسمع ناس يقولون الفيلم مبين
سخيف بس بندشه وخلاص كأن أمر واقع لأن ماكو بديل لا اكو بديل طلعت تمشي ومطعم
ولا كافيه ولا قعدة حلوة على البحر ولا أي شيء ثاني يعني مو لازم سينما

بصراحة أنا قررت قرار مهم وأهو أن الفيلم أذا كان عنف ولا سخيف ماني داشته عشان
لا أربحهم ويحترمون تنوع المشاهدين وأذواقهم


وأرجو اننا نشجع بعض على هل موضوع عشان يحترمون عقلية المشاهد ويرتقون بما
يقدمونه لنا من أفلام لاننا ناس نفهم يعني ماراح يوجهونا للي يبونا ونسمع كلامهم :)







وسلامتكم :)