الخميس، 4 فبراير، 2010

مشروع قصة مصورة





السلام عليكم ورحمة الله




اليوم راح أتكلم عن هواياه من هواياتي المفضله وهي التصوير الي أحبه جداجداجد هذا
العالم الجميل اللي يحفظ لنا اللقطه الحلوه ويذكرنا دايم فيها ويسعدنا كل ما نشوفها








بس راح أخصص الكلام اليوم عن مشروع كنت مسويته في الجامعة إسمه مشروع قصه
يعني نصور عدد من الصور نمثل فيها قصه إحنا نألفها بصراحه كنت محتاره حيل ومو
جاي في بالي أي شي إلى أن فكرت في هذى القصه خلونا نشوفها مع بعض























ويارب تكون عجبتكم فكرتها ناطره
رايكم فيها على أحر من الجمر





إفتتاحية






بسم الله الرحمن الرحيم




السلام عليكم قرائي الأعزاء عدت إليكم بعد إنقطاع دام سنتين ففكرت كيف تكون البداية؟













فقلت أن هذي السنتين طرأت علي الكثير من المتغيرات حبيت أقول لكم أهمها وهو إني إنتهيت من الدراسة الجامعية














وبدأت الحياة الوظيفية وبصراحة هي نعمة ونقمة في نفس الوقت أقولكم ليش






أولا خلنا نبدأها إيجابيات أحسن أول شي إيجابي أهو إني إفتكيت من الأجواء المرعبة للإمتحانات بصراحة أنا وحده من الناس حيل أخاف من شي إسمه إمتحان وحيل أحاتي يمكن زيادة عن اللزوم بعد بس هذا الخوف ما كان يروح إلا لما أدعي ربي يسهل الإمتحان ويطمئن قلبي وأحمد الله مجيب الدعاء على فضله الدائم علي .




ثانيا صار عندي شهادة تنفعني ولله الحمد تعرفون هالأيام الشهاده حيل مهمة وتضمن لي مستقبلي ثالثا أصبحت مستقلة ماديا لي متى يعني الواحد يقعد ياخد من أهله عيب كبرنا بس خلاص عاد مو حلاو السالفة
رابعا راحة البال وهذا شي ما يقدر بكنوز الدنيا الواحد كان يحاتي ودوم يدعي الله ييسر له أموره ويتم له دراسته على خيرخاصة موضوع الشعب المغلقة وما في مواد حرقة أعصاب وقد تم بفضل من الله.

أما السلبيات

فحدث ولا حرج أولا إن شغلي ما يناسب تخصصي يعني مو جاعدة أشتغل في مجالي خاصة إن تخصصي إعلا م يعني شي ممتع وأنا أدري أنى هذي مو أزمتي بروحي لان طلع فيه وايد نفسي وألعن بعد أوكي وبعدين يعني شسوي الشكوه لله وحده بس هم نقول إحنا أحسن من غيرنا واييييييييييييد اللهم لك الحمد غيرنا حتى وظيفة ما عنده
ثانيا وكله ولا ثانيا هذى الطامه الكبرى الفراااااااااااااااااااااااااااغ القاتل وش نسوى فيه ؟؟؟؟؟ وعشان جدي بتشوفوني أسولف على راسكم وايد عاد تحملونا شوي يا جماعة
ثالثا الروتين وهذا شي أنا مو متعوده عليه ولا أحبه بصراحة فقاعده أطلع لي سوالف ومخططات طور التنفيد إن شاء الله لا سويتها راح أقول لكم عنها
ومنها مدونتى العزيزه راح تشوفون تغيرات وايد فيها ومواضيع مشوقه وممتعه إن شاء الله تحوز على رضاكم
معكم راح أبدي تطبيق الإعلام تخصصي اللي أحبه حيل فيارب تعجبكم كتاباتي ومواضيعي وناطرة تعليقاتكم الغالية .