اليوم قلت خلنا نتكلم مع بعض عن شيء كلنا نشوفه وأهو عمليات النسخ والتجكير ( عمليات التجميل )
مالحظتو أن السالفه كثرانه هل فترة؟
اللي أعرفه أن هذي العمليات حرام هذا أولا وهذا الأساس
ألا لحالات معينه اللي فيها تشوهات خلقية أو تعرض لحادث الله يحفظنا وإياكم يارب
هذا اللي أعرفه والله أعلم
أما جذي على طول من غير سبب وكل شوي لعب لعب حرام أصلا أشكالهم صايره تخرح
أحس كوبي بيزد كلهم صارو يشبهون بعض كلهم حواجبهم مرفوعه أجباري وعلى قولة
الكاتب يوسف معاطي (كلهم على وجهم تعبير واحد وأهو الإندهاش الدائما وجهم كأنه توه
جاي من عند المصبغة من كثر ما أهو مفرود )
الحين أنا بعرف هل أنا بس اللي ملاحظه أن هل عمليات تخرب ما تجمل ؟
ليش سألت السؤال ؟
ونتيجة العملية عكسية طبعا فشتسوي بنت الحلال
شنو هذا شكلي مو حلو لازم أجرب مرة أخرى
ترى هذي مو مسابقة ياماما ليش جذي
قامو يستسهلون التجربه عشان في شغلات وايد صارت ماتحتاج عمليه كلها إبر وخلاص
وإحنا اللي ناكلها نشوفهم الصبح وتبلش الكوابيس باليل
أنا ضد تغير خلق الله فعلا شوفو النتيجة وأنتو تعرفون أن أحسن من خلقه مافي
وأن هذا الشيطان يلعب بالراس قال تعالى ((ولأضلنهم ولأمنينهم ولأمرنهم فليبتكن أذان الأنعام ولأمرنهم فليغيرون خلق الله ومن يتخذ الشيطان وليا من دون الله فقد خسر خسرانا مبينا )) سورة النساء الأية119
صدق الله العظيم
يعني مثلا يدور هذا الحوار بينه وبين الموهومه بزيادة جمالها بعميلات التجميل من هنا
البداية :
البنت جدام المنظرة تطالع وتسرح وتفكر
الشيطان يوسوس : واي جنه خشمج كبير حيل لازم تصغيره مخرب عليك
البنت : ها لالا عادي ما أشوفه كبير
الشيطان : شنو أنت ما تشوفين عدل طالعي شكبره ماكل نص ويهك ومجكرك
البنت : ها صج ؟ أي والله جنه كبير شوي
البنت : صج ؟ طيب شسوي ؟
الشيطان عليك وعلى عملية تجميل صغيرونة وتصيرين ملكة الجمال جنه شكة دبوس
البنت : على قولتك جنه شكة دبوس
وبعدين ياقرأي الأعزاء هذي إهي النتيجة الحلوة مالت شكت الدبوس صارت المسكينة ملكة
فعلا بس في تخويف الكبار قبل الصغار
وها أهور رد فعل الشيطان :هاهاهاهاهاها حمد لله والشكر أقول حاولي مرة أخرى
