الثلاثاء، 4 يناير، 2011

يوم ميلادي :)





صباح الخير والورد والفل والياسمين :)



اليوم الجو غير :)



والمزاج أكيد غير :)



والوناسة غير وغير وغير :)



اليوم يوم ميلادي :)



تميت بحمد الله 24 سنة :)



شنو صار في هذي السنة من أحداث ؟



راح أتكلم عن الإيجابي :)



أولا رديت للكتابة لإن العام اللي طاف 2009 كنت متنحة شوي أو خلنا نقول شويات بعد
وهذا شيء كان مضايقني حييل



واللي ونسني إني رديت بشكل حلو وهو هذي المدونة الغالية جدا على قلبي واللي إن شاء الله
يكمل عامها الأول بعد شهر :)



ثانيا رديت للقراءة وهذي الهواية كنت أعشقها منذ الصغر ولكن لم أمارستها بكثرة في
السنين الأخيرة فرديت لها الحين وهذا الشيء حييل مفرحني :)



ثالثا : بدأت أتأقلم مع الدوام بشكل أفضل من العام الأول لي فيه ولله الحمد :)



رابعا: تغيرات في شخصيتي ريحتني وايد في تعاملاتي مع الأخرين




خامسا : صرت أحاول أعطي الأمور حجمها الطبيعي وما أضخمها وأعيش بالمثل القائل
طنش تعش تنتعش :)




أممممممممم شنو حابة أسوي في العام الجديد إن شاء الله إذا الله عطاني عمر ؟


1) ودي إن شاء الله أحج الله يسهله لي يارب ولكل اللي يبي يحج :)


2) دورة في الغوص بإذن الله حييل خاطري فيها :)


3) دورة في الإنجليزي ودي أقوي اللغة :)


4) ودي أشتغل على نفسي شوي أكثر بإذن الله وأطورها :)


5) ودي أتخلص من الكسل لأن وايد مأثر سلبي علي مخليني مأجله أشياء واييد إلى متى ما أدري :)


وطبعا في شغلات ثانية بعد:)

أسأل الله أن يكون عام خير وسعادة وهناء وأن أكون فيه قريبة من ربي وأن ييسر لي كل
أموري وأن يدبر لي فإني لا أحسن التدبير وأن يكون معي في كل وقت وحين وأن يحفظني
بحفظه فهو الكريم :)




دمتم بألف خير وسعادة وهناء يا أحلى القراء :)