الخميس، 13 ماي، 2010

صالون مس فرساي

السلام عليكم

اليوم موضوعي جاء بناء على طلب من أختي قالت لي وأمنتني أكتب عن صالون مس
فرساي الجابرية وأحكي لكم تجربتها المريرة معاه :(

كان عندنا عرس وتقسمنا ثلاثة منا راحوا ألاء دشتي والحمد لله كنت أنا وحده من الثلاثة

رأي في الاء دشتي إنه زوين لاباس

المهم مو هذا موضوعنا موضوعنا الطامة الكبري مس فرساي

راحو القسم الثاني من خواتي المساكين لهذا الصالون المبدع جداجدا وعددهم 2

أولا النفسية الله يا كافي

ثانيا وهذا الأهم مايعرفون يحطون كللللللللللللللللللللللللللللش وبعد يسمون نفسهم خبيرات

حرام أنا خبري المكياج يحلي مو يخرب

إختي المسكينه قالت لها أبي العين سموكي

جان تقول الحلوة اللي تحط وإسمها إيمان حق مساعتدتهاا يبي لي شدو أسود جان تقولها مافي

وإهني نوقف عند هل نقطه صالون وفايف ستار وحالتكم حاله وما عندكم ألوان شدو خاصة


الأسود معروف إن يستخدم وايد أمر بديهي يعني ؟


المهم قالت لها مافي والأخت كانت ماسكة بإيدها علبة فيها بقايا شدو أسود

قالت لها شسوي يعني أحط بالسانييييييييييييييييي ؟

نعم؟






شقلت الأدب هذي حتى لو قاعده تكلم مساعدتها مو جذي الأوادم يتكلمون


طبعا إختي المسكينه قاعدة وتصروعت قالت هذي بتلعب بوجهي وفعلا


قامت الخبيرة العزيزة تكحت بالعلبة اللي بإيدها وتحط وأخر شيء شافت إختي ويها وودها

تبكي


قالت لها شنو هذا هذا سموكي؟





ولا الحلوة تقولها إنت عيونك جاحظه ما يصلح لها سموكي

إنت ويهك مايظبط معاه أصلا عيونك ما أدري شفيها



نعم؟


إسم الله عليها مو عشان إختي بس عيونها حلوة الله يحفظها يارب ومو أول مرة تحط سموكي

بس الغباء شلون صاير

والكريم اللي حطته لها مو حلو كللللللللللللش إنزين ليش يعني

أسعار وشهرة وحالتكم حاله حطو ناس تفهم وإسلوبهم زين


لا وطلعت وحده من غرفة ثانيه تزف وتصايح المسكينه حاطين لها لون كريم الوجه بيج والجسم وردي

إبداع المهم إختي ردت البيت تحسبن عليهم

ومسحت اللي تقدر تمسحه وحطت لنفسها وقعدت تقول والله لو عندي وقت مسحته كله وأحط لنفسي أنا مرة ثانيه ماراح أروح صالون أبد أحط ببيتنا حق نفسي وايد أبرك



المسكينة تعقدت :(


أنا حبيت أنقل هذه التجربة الأليمة عشان لاتطيحون فيها إن شاء الله

وسلامتكم