الأربعاء، 28 يوليوز، 2010

ذكرياتي الجميلة الجزء الأول :)




بسم الله الرحن الرحيم



حياة الإنسان مليئة بالذكريات بعضها محزن وبعضها مفرح بعضها يشعرك بالراحة




والبعض الأخر يشعرك بالتعاسه





ولأن مدونتي العزيزة هي مصدر سعاده بالنسبة إلي ومتنفسي الرائع الذي أحبه بشده




وأنمي من خلاله ملكة الكتابة عندي :)





قررت أن أخصص فيها موضوع أتكلم فيه عن ذكرياتي السعيدة والجميلة لتظل خالدة في





ذهني ولأشارككم معي هذه الذكريات الجميلة يا أجمل قراء




وسيكون الموضوع عبارة عن سلسة نبدأها اليوم إن شاء الله بشكل متفرق من فترة إلى



أخرى أضع لكم بعض الذكريات :)




أول مرة أكتشف نفسي وأكتشف حبي للكتابة :)






من يومين كنت قاعدة أتكلم مع إختي عن الكتابة وشنو تجاربها معاها وشنو تحب تكتب





وظلينا نسولف عن هل موضوع ونتذكر




جان أقول لها تدرين متى أول مرة أكتشفت إني أعرف أكتب ؟




قالت لي متى ؟


قلت لها رابعة متوسط




أقول لكم إشلون




كان في شيء إسمه مسابقة الرسالة هذي سلمكم الله مسابقة لازم كل المدارس تشترك




فيها على الأقل بطالبة وحده تمثل المدرسة وفي هل سنه محد رضى يشارك محد له خلق




وكان في مدرسة عربي أعرفها أهي المسؤلة عن المسابقة في هذي السنه فقالت لي إنها



متوهقه وتبيني أشارك لأن لازم أحد يشارك أنا إنحرجت منها لأن أعرفها




جان أفكر أطفشها بطريقة مهذبة قلت لها موافقه بس بشرط ما راح تأخذيني للتدريبات لا



في الحصص ولا الإحتياط ولا الفرصة وماراح تشوفين وجهي إلا يوم المسابقة أنا قلت



هذي بتهدني وتمشي ولا الصدمة إنها قالت لي أوكي




قلت أوكي أوكي و قلت داخل نفسي خلاص عادي وفعلا إلتزمت بالإتفاق وجت




تأخذني يوم المسابقة وقعدت عندهم بالقسم لين نروح جان تعطيني رزمة أوراق فوق




الثلاثين ورقة وتقولي هذي الرسالة اللي فازت السنة اللي طافت كانت




عن الغزو تسلي فيهل شوي قبل لا نروح




نعم شتسلى فيه هذا شيء يسلي ؟




طبعا خذيت الأوراق وفريتها في أقل من دقيقةوعطيتها لها



قالت لي مالك خلق تقرئين؟




قلت لها مو عن بس لكل واحد إسلوبه




المهم رحنا المسابقة وعطونا دفتر أوراق مغلف نحط إسمنا ونكتب فيه




كان الموضوع عن أكتب رسالة شكر إلى صديقة طبعا أنا تفلسفة لين قلت بس وألفت




مواقف وأشتغل الخيال :)وبصراحة إستانست من نفسي أني عرفت أكتب ولقيت نفسي




مستمتعه فعلا وأنا أكتب الحمد لله وسلمت ورقتي وطلعت كنت أول وحده أطلع:) طبعا




المدرسة لما شافتني طلعت إنهارت




قالت لي حرام عليج طالعة عقب نص ساعة




والإمتحان ساعتين ؟




قلت لها أنا خلصت أقعد ليش؟




طبعا أحبططت وطول الدرب ساكته مالها خلق لي :(




بعد كم إسبوع جاءت لي في الصف وقالت لي إني طلعت المركز الثاني على مستوى




الكويت وإن الوكيلة تبي تكرميني وإحنا رايحين لها جان تقولي أمدحها عند الوكيله




وأقول إن إهي اللي دربتني




نعم ؟من صجها طبعا أنا عطيت أكبر طاف ماقلت جذي لأن مو من




حقها أنا أتعب وأهي تأخذ المدح والثناء ؟




الوكيلة قالت لي مبروك قلت لها الله يبارك فيك وبس :)




طبعا كانو وايد مستانسين لأن أول




مرة المدرسة تأخذ مركز في هذي المسابقة لدرجة المدرسة الأولى عربي قالت لي أنا




حجزتك للسنه الجاية جان أقول لها لا إن شاء الله أنا خريجة :)






بس وهني فعلا عرفت




معنى الآية القرآنية العظيمة (( وعسى أن تكرهو شيئا وهو خير لكم )) لأن ما كان لي




خلق أشارك وشوفو إشلون فادتني المسابقة وخلتني أكتشف إني أحب الكتابة وفعلا




بدأت بعدها بتنمية هذي الهواية إلى أن أصبحت تخصصي في الجامعة فكما تعرفون أن




تخصصي إعلام صحافة :) ومن ثم فتحت هذه المدونة الغالية على قلبي جداجدا والقادم أكثر بإذن الله :)




كانت هذي ذكرة اليوم أنتظرو المزيد إن شاء الله في أيام قادمة :)