السبت، 8 يناير 2011

يومي المميز :)




اليوم راح أقول لكم شسويت في يوم ميلادي :)



نبلش من البداية



أول شيء الساعة 12 صباحا أول دقيقة في يوم ميلادي :)


في كل سنة أهلي ورفيجاتي يطرشون لي مسج الساعة 12 عشان يهنوني وهذ عاده حيييل
أحبها وأستانس عليها وأبدا في تلقى هذي المسجات والتلفونات الغالية على قلبي :)


وعقب أنام والصبح رحت الدوام وأول شيء سويته كتبت لكم البوست مال يوم ميلادي :)
ورور كانت مسويه لي مفاجأة يايبتلي كيكة :)



بس أنا شكيتها كالعادة أخرب عليها المفاجأة بس هل سنة مو وايد خربتها شفتها قاعدة تزهب
شافتني جان أقول لها ماشفت ماشفت وإنحشت عشان ماتزعل :)


وبعدين بدأ الإحتفال الأول شبو الشمع وغنو لي وطبعا حييل وناسة وذكرى ماتنسى شكرا
رورو الغالية :)



عقبها إستأذنت أنا وياها وطلعنا مع أختي الحبيبة فوفا اللي أنا دوم بالشتها تريقنا في
شرق :) والجو كان وايد حلو :)



وبعدين حسنا شوي وردينا عقبها البيت ولا مامي طابختلي أكلة من أكلاتي المفضلة :)



ومسويتلي عصيري اللي أموت عليه الليمون :) تسلم إيدك مامي الله يحفظك لي يارب :)





وبعدين صعدت داري ولا حاطين لي هذا الستيكرس على الباب من بره





ولما دشيت ولا مغيرين لي ستايل الغرفة وشارين لي كفر جديد وحركات و بالونات
وشغل عدل :)









عقب نزلت وقعدنا نسولف ونطالع التلفزيون ويت أختي ويابت لنا الكيكة والفطاير :)



لا وأنا اللي مختارتها حرام دوختها عشان تروح تستلمها وأهي
مو حيل تدل شكرا نونو فديتو :)


وكان الإحتفال الثاني في الليل يبنا الكيكة وأنا بلشت الأغنية حق نفسي لأن في بيتنا أنا
متعهدت أعياد الميلاد كله أنا اللي أغني مع أمي فديتها فحتى حق نفسي غنيت :)






وهذي صور الهدايا











شكرا لكل اللي هناني وشاركني فرحتي شكرا لأهلي شكرا لرفيجاتي شكرا لقرائي الغالين :)





كل عام وأنا أحبكم أكثر وأكثر وأكثر :)






دمتم في حفظ الرحمن :)




ويارب كل أيامكم فرح وسعادة وحب :)