الأربعاء، 10 مارس 2010

أليس في بلاد العجائب

















اليوم رحت فيلم أليس في بلاد العجائب كنت ناطرته صاير ليى فترة طويله لأن من زمان حاطين أفيش الفيلم في سينما المهلب بس توه نازل





عجبني حيل ماخذين مقتطفات من مواقف من الكارتون شلون تصغر وتكبر عشا ن تاخذ المفتاح وسوالف وايد تضحك وذكرتني بالكرتون اللي كنت من محبيه ولازلت طبعا :)




ما أبي أقول تفاصيل عشان ما أحرقه لكم إذا حبيتوا تروحونه




بس راح أتكلم عن الشخصيات الأساسية للفيلم :










أليس والأرنب











التوأم













صانع القبعات وهذا حيل حبيته أحلى شخصية في الفيلم :)











the red Queen وهذي هي الأميرة الشريرة








the white Queen الأميرة الطيبة




وشخصية القط الضاحك




وأخير خادم الأميرة الشريرة







راي الشخصي :


الفيلم حلو جدا وعلى مستوى أفلام ديزني فعلا والأنميشن متقن ومميز والقصة حلوة ولكن اللي إستغربته إن أليس مو جميلة عادية في بداية الفيلم ما حسيتها أبدا وكله قاعدين يقولون لها إنت حلوه إنت حلوة البنت عادية حيييييل بس لما دخلت بلاد العجائب بدأت أتعود عليها
بس كنت أفضل يحطون وحده أحلى بس هم هذي كانت زينه وأدت الغرض ما قصرت :)


وسلامتكم








































هناك 15 تعليقًا:

رورو الشخبوطه يقول...

من وراي خخخ ..

المهم انه استانست وغيرتي جو ..

بس رحتي 3d?

ولا العادي اخاف انسى اسالج عقب :)

وبالنسبه للجمال ولا يهمج باجر انا اصير اليس بادارة العاهات خخخ..

ومشكوره..

كوكتيل يقول...

هلا غلاي

إي والله غيرت جو فعلا

من زمان ما يابو لنا أفلام سنعة


رحته عادي مو الحلوه اللى عندي مارضت تروح 3dتقول وايد ساعتين نلبس نظارة بنصدع :(

بس والله وايد حلو :)

mazyona يقول...

هلا كوكتيل
شوقتيني أشوف الفيلم
مشكورة

BookMark يقول...

عاد ودي اروحله شكله يشوق وشوقتيني زيادة :)
ناوية بس مادري متى لوول

يعطيج العافية والمهم انج ماحرقتي علينا الأحداث ;)

bokeh of magic * يقول...

عاد انا امس بغيت اروحله بس طحت مريضه و اهلي راحوله بدوني :((
و انا حدي حدي متشووقتله
باين عليه وايد حلوو
مشكووره ^^

كوكتيل يقول...

أهلين عزيزتي مزيونة

والله أنا حبيته أنصحك فيه

وشكورة على التواصل :)

كوكتيل يقول...

أهلين book markالمتميزة دوما

الله يعافيك يارب

أي أنا ما أحب أحرق الأفلام عشان اللي يبي يشوفه مايخترب عليه :)

والله أنا رحته ب360 أحب هل مجمع هادي بس أروحه سينما ومطعم

فإذا بتروحين ويك إند أتوقع أهو أهدا واييد من الأفينيوز

ونورتي المدونة :)

كوكتيل يقول...

عزيزتي being one

سلامات حياتي ماتشوفين شر يارب

والله أهو حلو ويونس يعني تظلين طول الفيلم مستمتعه

أنا أنصحك تروحين خاصا إن السينما صاير لها فترة أفلامها مو شي فزين نزلو شيء حلو

أنا أحب أفلام ديزني أغلبها متعوب عليها :)

وحياك الله نورت المدونة:)

شاي الضحى يقول...

ان شاءالله بروح له عن قريب

احب افلام ديزني


مشكوره :)

كوكتيل يقول...

أهلين شايونه :)

والله حلو لايطوفك


نورتي المدونة :)

خاتون يقول...

وناسة
احب أليس لأنها عنيدة و ما ترضى بكل اللي يرضون فيه الناس مختلفة جدا و عندها اسأله أكبر منها و عبثية كل الصفات النبيلة>>>شكو
باعتقادي حق بنت مرحة و غريبة و مميزة جدا
ثانكس على اطلاعنا على هالشي الحلو اللي مثل راعيته
ذوووق ^_*

كوكتيل يقول...

أهلين بالغالية خاتون


أحرجتيني بعذب كلامك


أنا أحب أليس تونس حيل والفيلم متعوب عليه



وإذا على الذوق فإنت أساسه ومنبعة


وتسلمين مشكورة :)

Amwaj يقول...

قوة كوكتيل

شلونج شخبارج ؟

والله شوقتيني أشوفه

عاد آنا أحب الأفلام اللي ياخذون قصتها من الكارتون

كوكتيل يقول...

أهلين بأمواج الحبوبة :)

أنا بخير يالغالية

أنا أنصحك فيه حيل عجبني يونس

نورتي المدوني :)

غير معرف يقول...
أزال أحد مشرفي المدونة هذا التعليق.