الاثنين، 17 ماي 2010

سرحان ونفيسة



السلام عليكم ورحمة الله :)




اليوم راح أتكلم عن ست كوم سرحان ونفيسه ( بشكل كرتون )وهو يعرض على قناة موجا كوميدي




بدايته كانت عبارة عن مسابقة الجزء الاول كان يتكلم عن واحد يحاول يذبح مرته ويفشل فالسؤال كان ليه فشل




بصراحة اللي شدني له طريقة كلامهم حيل تضحك بس ما كانت عاجبتني فكرة إنه يبي يذبح مرته يعني غلط يعلمون الأطفال أشياء غلط والله وحتى الكبار :(




وهذي حلقة من الجزء الأول ( أضغط هنا )




وبعدين أصدرو جزء ثاني كانت فكرته حلوه


أنه يمثلون فيلم والمسابقة إنك تعرف شنو الفيلم اللي مثلوه بس اللي يضحك إنهم يغيرون في الأحداث يقلبونها فوق تحت :)




وهذي حلقة من الجزء الثاني فيلم رد قلبي ( إضغط هنا )




أما السيت كوم (يعني مسلسل ) فهو يعرض حاليا على القناة الساعة 9 وربع :)


وهو نفس فكرة الجزء الثاني بس مطولينها شوي مدتها عشر دقائق اما الأجزاء السابقة مدتها بالكثير دقيقتان :)




وهذ حلقة من السيت كوم عن فيلم بيتنا رجل ( إضغط هنا )




واللي ما عنده القناة موجوده الحلقات على اليوتيوب :)




وسلامتكم :)

هناك 15 تعليقًا:

شاي الضحى يقول...

لوووول اشكالهم بدعه


شكرا :)

رورو الشخبوطه يقول...

عاد توني اقول مانزلت بوست وقلت اتناقش معاج بهالامر باجر خخ غصب نطلع سوالف..

انا حبيته عقب مارويتني اياه بالدوام وقلت لاختي عنه ..

واكثر حلقه حبيتها من اللي شفتهم معاج عنتر وعبله ..

والجزء الاول صج غلط فكرته بس تونس انها الغاز بس عيبه باليوتيوب ماتعرفين الحل :(

واهو لي الحين ينعرض وبشكل يومي؟؟

ومشكوره جدا جدا جدا سويتي..

Made n Q8 يقول...

نفيسه عليها حمره شقاقيه :d

يعطيج العافية

كوكتيل يقول...

أهلين شايونة :)

إي إبداع لا وطريقة الكلام إبداع أكثر بعد :)

العفو حياتي :)

كوكتيل يقول...

أهلين رورو
أي والله يضحكني حيل :)

أنصحك تشوفين حلقة الباطنية مسخرة :)

ينعرض الحين كل يوم الساعة 9وربع على قناة موجا وهم الحلقات تنزل على اليوتيوب :)

العفو سويتي حياك الله :)

كوكتيل يقول...

أهلين ميد إن كويت :)

عيل لاشفتي باقي الكاست في وحده كل ويها حمرة :)

حياك الله عزيزتي :)

موناليزا يقول...

جميل انهم غيروا الجزء الاول فعلا لانه كان مثال سئ للكبار قبل الصغار

خاتون يقول...

يا كثر ما أشوفهم خبرج الوالدة مجابلة موجا كوميدي ... و صج يبط الجبد كله بيذبح هالولية الغلبانة حاط دوبه دوبها عاد ما منها ضرر
بس توني ادري انهم غيرو ستايل الحلقات يبيله جيك آوت
ثانكس ع الخبرية *_^

mazyona يقول...

حلويييييييييييين ودمهم خفيف
تسلمين

كوكتيل يقول...

أهلين موناليزا :)

فعلا لأن طريقة كلامهم تضحك وممتع بس هم الفكرة لازم تكون أحسن فالجزء الثاني والثالث فكرتهم وايد أحسن :)

أسعدني مرورك :)

ونورتي المدونة :)

كوكتيل يقول...

أهلين خاتون الغالية :)

وأنا بعد كانت كاسرة خاطري المسكينة ماسوت عليها من يوم تزوجتها وأهو كل يوم خطه عشان يذبحها المسكينة :(

يجرب فيها وخنت حيلي :(

بس وايد أحلى الجزء الثاني والسيت كوم الجديد إبداع لا يطوفك :)

كوكتيل يقول...

أهلين بالمزيونة :)

الله يسلمك يالغالية :)

غير معرف يقول...

What's up to every body, it's my first go to see of this blog;
this blog carries awesome and actually excellent data for readers.


Feel free to surf to my homepage :: http://www.manta.com/c/mmddl5r/bench-craft-co

غير معرف يقول...

Howdy fantastic website! Does running a blog like this require a
lot of work? I have virtually no knowledge of programming but I
had been hoping to start my own blog in the near future.
Anyways, should you have any recommendations or tips for new
blog owners please share. I know this is
off subject but I simply needed to ask. Many thanks!

my webpage; Bench Craft Company advertising ideas for daycares

غير معرف يقول...

That will be the day time when consuming edible oysters would bring in not merely food with the table but also pearl for jewelry.

Shell cameos are carved from a single piece of shell.
CZ rings get a bad rap because they are often sold at cheap-o shops like
Claire's and Spencer's, but if you purchase
a CZ promise ring that is set on an 18k gold band,
the ring will look very high quality and expensive.


my web page - promise rings under 60 dollars