الجمعة، 11 يونيو 2010

التاج السلطاني :)

السلام عليكم قرائي الأعزاء

من فترة وصلني التاج السلطاني وأنا كل مره أأجل البوست وأقول راح أنزل وأتكيسل إلى أن قلت
خلاص ما كو تأجيل أكثر من جذي المدونات اللي كنت بحطها في التاج طرشت لي إياه
وهذه نتيجة الكسل وما يسوي


قوانين التاج السلطاني

- اذكر اسم من طلب منك حل الواجب

أرسل إلي هذا التاج من أصدقاء المدونة الأعزاء وراح أحطهم حسب ترتيب وصول التاج
لي منهم

رورو الشخبوطة

Made n Q8

بدون تعليق
mail

فأشكرهم على هذه الثقة الغالية وأقول لهم سبقتوني لأنكم كنتم أول القائمة

- تحدث عن سته اسرار قد لايكشفها من يقابلك أول مره

اهي مو أسرار تقدرون تقولون ملامح بسيطه عن شخصيتي بس أكيد مو من أول لقاء
تعرف

1) أحب السفر جدا وأعشق معرفة ثقافات الشعوب أقصد عاداتهم وتقاليدهم ولازم أخذ
تذكار من البلد يدل عليها

2) أحب عالم البحار ويجذبني بشكل كبير جدا لدرجة إن ودي أتعلم الغوص وإن شاء الله
قريب بس عشان أبي أستمتع بهذه البيئة الرائعة

3) ما أحب الناس المنافقة والكذابين ويقولون لي إني وايد مثالية مع أن مفروض هذا
شيء طبيعي مفروض الإنسان مايحب هذه الأشياء بس الدنيا منقلب حالها

4) أحب قول الله تعالى{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
وماشيه عليه في حياتي

5) ودي أسوي شيء ينفعني في الأخرة قبل الدنيا وألاقي فيه ربي وأنا سعيدة إني سويته
(( إنجاز ينفع ديني )) وأقابل به حبيبي المصطفى صلى الله عليه وسلم فيسعد بى
وأكون به رفيقته في الجنة

6) تفكيري أكبر من سني بوايد أحس عاقلة زيادة عن اللزوم ما أدري هذي ميزة ولا
عيب خاصا في هذا الزمن

- حول هذا الواجب إلى سته مدونين واذكر اسمائهم


أدري إن الغالبية وصلها التاج واللي أخترتهم هم في منهم واصله التاج بس بكتب
أساميهم مرة ثانية فقط لأعلمهم أنهم يستحقون التاج

أرشفة خاتون

الغاردينا

شاي الضحى محاذاة إلى الوسط
book mark

وسلامتكم ياالغالين :)

هناك 27 تعليقًا:

BookMark يقول...

استمتعت بقراءة الأسرار ولو انها مو أسرار مثل ماقلتي ملامح من شخصيتج وأشياء منج :)

ان شاالله تتحقق طموحاتج وتسوين الي تبينه وأكثر

وشكرا لإهدائج التاج وصلني وحليته بس منج أكيد غير وبحطه على راسي ;)

خاتون يقول...

يسألوني ليه أحبك
بالضبط نفس البشر اللي أحبهم
يعني أنت الله محببج لخلقه ما تحتاجين تعب في هالشي و اللي ما يحبج غيور و حاسد صدقيني
و عسى الله ينولج اللي في بالج و يجعلج من مستجابين الدعاء قولي آمين
^_^ أختج خاتون ^_^

كوكتيل يقول...

أهلين بالغالية بوك مارك :)

أنا أعتقد الأسرار إذا قلناها ما تصير أسرار مو :)

قلت أعرفكم على جزء من شخصيتي :)

وشفت التاج منور ببلوقك بس مثل ماقلت بطرشه لناس أنا أشوفها تستحقه مع إني أدري إنه واصلها بس عشان أأكد إنكم تستحقونه بكتاباتكم المميزة :)


وشكرا على الدعوة الحلوة أجمعين يارب :)

دمتي بخير وصحة :)

كوكتيل يقول...

أختي الغالية جدا جدا ( خاتون )

المتميزة بكتاباتها المشوقة وأسلوبها الراقي في الكتابة والحوار :)

أخجلتم تواضعنا

وايد كبير على هل كلام وخاصة من إنسانة متميزة مثلك :)


فأناس أمثالك يشعرونا أن الدنيا مازال فيها من الخير والإبداع الكثير


أحبك في الله عزيزتي :)

وأبادلك نفس الشعور وزيادة ويعلم الله ذلك :)

فالمحبة من الله وأنت فعلا من من يدخل القلب بسرعة ماشاء الله أدام الله عليك محبته ومحبة الناس لك :)

ودعائك الجميل أقول عليه أميين يارب العالمين :)


تسلمي لي غاليتي :)

غير معرف يقول...

النقطة السادسة مثلي بالضبط، وخاصة كنت أسمعها لما كنت طالب بالثنوية والجامعة كانوا وايد يقولون لي إن تفكيري أكبر من سني. وأحب هالصفة فيني وايد..
تسلمين على الصراحة

العلم نور يقول...

جميل جدا ما كتبته ومن منا لا يعشق السفر والبحر وعالمه الساحر ..

أما بالنسبة للإهداء القيم من طرفك غاليتي فقد أجبت عليه في تدوينة سابقة من ما بعد الغروب ..

ولكن لك مني كل الود والتقدير والإمتنان غاليتي ودمتي بخير وأكرمك الله آمين

رورو الشخبوطه يقول...
أزال أحد مشرفي المدونة هذا التعليق.
كوكتيل يقول...

أهلين أخوي قلم ومساحة :)

وأنا بعد أحبها بنفس وايد يمكن لأن ما أحب التفكير السطحي العجيب المنتشر هالفترة وبكثرة :(

الله يسلمك يارب


نورت المدونة :)

كوكتيل يقول...

أهلين بالغالية جدا أم الخلود :)

أبت ومن منا لا يعشق السفر والبحر ( خاصتا البحر هذا العالم الرائع )

وأعلم عزيزتي بتتويجك ولكني أؤدت أعلامك أنك فعلا تستحقينه مرات ومرات :)


ولك منى كل إحترام وود

الله أمين أجمعين يارب :)

يسعدني مرورك دائما :)

كوكتيل يقول...
أزال المؤلف هذا التعليق.
mazyona يقول...

ههههههههههههههه حلو تسلمين

شاي الضحى يقول...

شكرا على التاج

بس انا حليته من قبل :)))

Amwaj يقول...

كوكتيل أحلى شي إن تفكيرج أكبر من سنج بوايد

آنا بعد تفكيري أكبر من سني وبالنسبة لي آنا أعتبره ميزة

أما اللي يعرفوني دايما يقولون عني عيوزة !!
" صج ما عندهم سالفة"

الله يعطيج ألف عافية يالغالية

تحياتي :)

العلم نور يقول...

شكرا لك غاليتي على هذه المرات .. وإن شاء الله نكون عند حسن ظنكم.

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

كوكتيل يقول...

أهلين مزيونة الغالية :)

الله يسلمك يارب :)

نورتيني:)

كوكتيل يقول...

أهلين شايونة :)

العفو ولو


أدري أن واصلك :)

بس حبيت أطرشلك إياه مو عشان تحلينه بس عشان أقول إن مدونتك مميزة :)

كوكتيل يقول...

أهلين أمواج الغالية :)

زين عيل مو بروحي :)

وأنا بعد أعتبرة ميزة بس شنو نقول :(


وترى والله مو قاطعة عن مدونتك بس أخر مرات أحط تعليقات بس ما تنزل بمدونتك قلت يمكن النت بس كله كنت أحاول وما يظبط :(

بس أشوه ظبط معاي هل مرة :)

ولاتحرمينا من تواصلك الغالي :)

نورتيني عزيزتي :)

كوكتيل يقول...

أهلين بالغالية أم الخلود

العفو هذا واجبنا :)

وإن شاء الله بشوف الحملة :)

وجزاك الله كل خير :)

Question mark يقول...

تسلمين كوكتيل

كوكتيل يقول...

أهلين أخوي نجري :)

الله يسلمك يارب :)


وموفقك إن شاء الله :)


نورت المدونة :)

موناليزا يقول...

متميزة دايما يا جميلة:)

كوكتيل يقول...

أهلا بالغالية موناليزا :)

تميزي سببه وجودكم ودعمكم الدائم

دمتم بخير وعافية

وشكرا لدعمك المتواصل :)

Made n Q8 يقول...

يعطيج العافية

كوكتيل يقول...

أهلين بالغالية ميد إن كويت :)


الله يعافيك يارب :)

نورتيني :)

كوكتيل يقول...

أهلين بالغالية أم الخلود :)


إن شاء الله راح أزورك وأشوف الحملة :)


نورتيني :)

(ست* جنى* الحسن) يقول...

سلامو عليكو..
واضح من كلماتك ان ذو شخصية مغامرة
وتحبين التشويق وكل ما هو جديد ومثير.
ربنا يعزك ويفرح قلبك ويسعد ايامك يارب.
انى احبك فى الله

كوكتيل يقول...

وعليكم السلام :)

أهلين بالغالية سيت جنى الحسن :)

شكرا عزيزتي على الدعوة الجميلة مثلك

وإن شاء الله أجمعين :)

أحبك الذي تحبينني فيه يارب :)


شرفتي مدونتى عزيزتي :)