السلام عليكم قرائي الغالين :)
اليوم بكلمكم عن إحدى هواياتي المحببه إلى قلبي جدا جدا وهي معرفة
كيف تصنع الأشياء ؟من وأنا صغيرة أحب أعرف شلون هذا طلع جذي؟ وهذا شلون سوه؟
وهذا من شنو يتكون ؟ وحيل كان خاطري يودونا رحلة في المدرسه إلى مصنع من
المصانع بس للأسف ما صار بس هل الأمنيه للحين أبي أحققها وإن شاء الله ناويه قريب
وكله كنت أقول لأختي أبي يطلعون لنا برامج عن جذي عن how its made وفعلا في
الفترة الأخيرة من سنتين تقريبا شفت برنامج
على قناة الكويت الثانيه إسمه how its made
أهو قديم بس توني مكتشفته تخيلو نفس الإسم اللي ببالي بالظبط طبعا طرت من الفرحه لأن
نفس الفكرة اللي ببالي البرنامج عبارة عن رحلة بالمصانع كل حلقة عن شي مثلا شلون
تصنع الككاو ؟ ييب لكم أول شيء الشكل النهائي لككاو
وبعدين طريقة صنعه من الألف إلى الياء
في المصنع حيييييييل حبيت البرنامج وقلت أقول لكم عنه الحين ينحط على قناة الشارقه بس
ما أعرف مواعيده أنا أتابعه الحين على اليوتيوب تحطون how its made ويطلع أنا
بحط لكم حلقة الكاكاو و(هذي إهي )
وحلقة الأيس كريم ( إضغط هنا )
أرجو أن يعجبكم البرنامج حيل ممتع ومفيد ويعطيكم ألف عافيه :)
هناك 22 تعليقًا:
وايد أحب برامج من هالنوعية، اندمج معاها وأحب أشوف المنتج من أول ما يدخل المعمل لحد ما يخلص شلون يوصل للمستهلك.. أحب أشوف المنتج يمر بكذا جهاز وبكذا مكان وناسة. ومرات يحطون هالنوعية من البرامج على الجزيرة الوثائقية وبعض القنوات.. ألف شكر
احب هالبرنامج وايد اشوفه
وانا نفسج احب اعرف شلون يصنعون الاشياء
مره شفت فرشة الاسنان كنت متوقعه شي بس طلع شي ثاااااني وتصنيعها مو هين يبيله لويه
ومره شفت نظارات وهالسوالف
بس صج يونس :)
اذا تحبين هالنوعين من البرامج .. عليج بقنوات ديسكفري
:)
يحطون هالبرامج يوميا و بشكل مكثف
و فعلا ممتعة
:)
يعطيج العافية
توني شفت حلقة الككاو .. وناسة عجييب :)
والحين بشوف الآيس كريم
مشكوورة صج برنامج ممتع :)
خوش برنامج!
حلقة الككاو حلوة, والآيس كريم كذلك والله بكثر من هالبرامج التثقيفيه وبنفس الوقت ممتعه
أهلين أخوي قلم ومساحة :)
فعلا أوفقك الرأي أنا حييل أستمتع وأنا أشوف البرامج اللي من هذي النوعيه تحس وناسه وفي نفس الوقت مفيدة:)
العفو وحياك الله :)
أهلين شايونة :)
فعلا تستغربين وإنت تطالعين شلون هل الأشياء راح تطلع لج هذا المنتج وايد أحب جذي :)
تسلمين على المرور الغالي :)
أهلين أخوي عثماني :)
فعلا هل هناة روعه أحبها حيل وصح كلامك أنا هم شفته وشفت شغلات مشابهة على هل قناة
يعطيك ألف عافيه وأسعدني زيارتك لمدونتي :)
شكرا :)
أهلين غاليتي بوك مارك :)
ونستيني أن البرنامج عجبك لأن فعلا ممتع
الله يعافيك يارب :)
وجودك دائما يسعدني :)
أهلين عزيزتي 24/نوفمبر :)
سعدت أن البرنامج حاز على رضاك
نورتيني عزيزتي :)
البرنامج حده حلو اتذكر كنت أشوفه على القناة الثانية الكويتية
و اذا تبين زود قبل فترة اختي عطتني موقع نفس البرنامج بالضبط
http://www.commentcestfait.com/
و ان شاء الله تلقين فيه ضالتج
و تسلمين على الفيديوات أحلى شي الايس كريم و بالذات بالصيف
بس المشكلة ما عطونا المقادير و لا نقدر نحط الجهاز بالبيت ههههه
أشوف ليش ما يضبط عدل و يانا
موفقه يا عسل ديما مواضيعج فرش و غير متوقعة *_^
حلوة هالنوعية من البرامج ..وبعض المرات القناة الثانية تحط برامج حلوة بس من زمان عنها
أهلين عزيزتي خاتون :)
إي والله شفت الموقع يعطيك العافيه تسلمين :)
شفتي شلون لازم من المصنع :)
يسعدني وجودك دائما عزيزتي :)
أهلين عزيزتي ميد إن كويت :)
صح القناة الثانيه حلوة تحط سوالف تونس وبرامج حلوة بس على قولتك من زمان عنها بس أهب فيها مرات :)
شكرا على التواصل :)
يم يم انه احب اكلهم مب مهم اعرف الطريقة :^
احنا ياكوكتيلة شعوب تستهلك وبس ماتنتج ولاتبي تعرف شي ..
صاجه لما تروحين لهم وتشوفين الشغله بالطبيعه تكون احلى بس العوض ولا القطيعه..
انا احب هالسوالف بس ع الاشغال اليدويه عساس اطبقها :)
ومشكوره..
وناسة و الله حلوين ، وايد أحب هالبرامج:)
يعطيج العافية
أهلين أخوي بدون تعليق :)
أكيد أكلهم حلو بس لازم نعرف شلون يسونه مو يمكن الله يهدينا وننتج أحنا بعد ؟
شدراك يمكن أكون مخترعه في المستقبل بس لا تخاف أول ما أجرب أختراعاتي راح أجرب فيهم مو فينا مثل مايسون فينا ( أحنا دفعت البلاء ):)
نورت المدونة :)
أهلين رورو
أكيد الشوفه بالمصانع لها متعتها بس هم هذا البرنامج ممتع جدا ويحسسني كأني بالمكان :)
أهلين عزيزتي هوبليس :)
الله يعافيك عزيزتي نورتيني :)
السلام عليكم :*
والله إنتي ذوق بكل شي :)
صج هواية حلوة, أحب البرامج اللي من هذا النوع وخاصة البرامج اللي يشرحون طريقة صنع الكاكاو
الله يعطيج ألف عافية حبيبتي كوكتيل
تحياتي :)
أهلين غاليتي أمواج :)
فعلا برامج ممتعه جدا جدا :)
عاد الكاكاو هذا على صوب :)
أحنا من نشوفه خلاص بعد نشوف شلون يسونه :)
الله يعافيك يارب إذا كنت ذوق فلأن أنتم قرائي :)
إرسال تعليق