الخميس، 30 شتنبر 2010

ماذا لو ؟




اليو م جتني فكرة طريفة


سميتها ماذا لو

راح أطرح عليكم مجموعة من الأسئلة التخيلية وأبي أشوف ردودكم عليها

جاهزيين

يلة نبلش :)

1) لو صحيت من النوم ولقيت نفسك طائر وقالو لك
راح تظل على هل حال لمدة 3 أيام شراح تسوي ؟

2) لو غمضت عيونك وفتحتها ولقيت أن مافي شيء أسمه بنيان وأنك قاعد في


الصحراء والناس كلها في خيم من حولك
وكل واحد حاط إسمة على الخيمة كأنها بيته شراح تسوي ؟

3) لو لقيت نفسك في طابور قدام الأفينيوز( مجمع تجاري ) ومسكرين الأبواب إلا باب
واحد وقالو لكم راح نبطل وتدشون وتأخذون اللي تبونه ببلاش بشرط تطلعون بعد
عشر دقائق ياتري على شنو راح توجهون ؟

4) لو أختفو الناس فجأة ولقيت نفسك بروحك ولا في أي أنسان شنو راح يكون موقفك ؟

5) لو كنت في زمن الرسول الكريم صلى الله عليه وسلم وقالو لك الحين راح ناخذك
تشوفة شنو أول شيء تبي تقوله له؟

6) لو دقو عليك وقالو لك كسبت مئة مليون شنو أول شيء راح تسويه؟

7) لو فجأة قلبتو أنسة ملعقة ( كرتون قديم) وتقلص حجمكم إلى أن
صار كبر ملعقة الشاي شنو بتسون؟

8) لو قالو لك أنت صرت حاكم للعالم شنو أقول قرار راح تتخذه ؟



بس كافي عليكم هذول عشان يمديكم تتخيلون الإجابات وأبي أول إجابة تجي بالكم من


غير تغير وتعمق بالتفكير :)

هناك 29 تعليقًا:

Amwaj يقول...

يا سلام عليج على هالأفكار الحلوة
وايد حبيت البوست وحبيت الأسئلة اللي فيه

راح تكون إجاباتي بنفس ترتيب وأرقام الأسئلة
1 - لو صحيت من النوم ولقيت نفسي طايرة, راح أستانس لأن هذي أمنية أتمنى إنها تتحقق!!

2 - آخذ خيمة وأكتب عليها اسمي :p

3 - أتوقع راح تتزاحم الأفكار براسي وبدوخ من ضيق الوقت والإزدحام وأطلع من المجمع إيد ورا وإيد جدام .. يعني ما آخذ شي !

4 - ما أتوقع أتضايق لأني هالفترة صايرة انطوائية وما أحب أخالط الناس :(

5 - يمكن راح أبجي وما أقدر أقول أي شي

6 - أنجلط, أقصد يغمى علي, لا اسم الله علي, أصلي وأحمد ربي وأبني مسجد وأوزعهم على الفقراء وأدلع نفسي فيهم :)

7 - حرام عليج كوكتيل عاد كبر ملعقة الشاي ؟! يمكن أموت من الصدمة!

8 - أعاقب كل ظالم وكل واحد يثير الفتن بين الناس وأنفيه لمكان بعيد.. زين إني ما صرت حاكم لوووول:p

يعطيج العافية حبيبتي :)

BookMark يقول...

1-راح أموت من البجي!

2-أنصدم وأدور أهلي أشوفهم انتقلوا معاي ولا لأ

3-اممم مادري أبي كل المحلات p;

4-هم راح أموت من البجي!

5-الله !! أحلى سؤال
مادري وايد أشياء ابالي
يمكن ماأقدر أقول شي بس راح أبجي من الوناسة :')
راح أقوله اني أحبه، اللهم صلي وسلم عليه

6-راح أموت من الضحك p;

7-وناسة سيدة ملعقة، أتوقع أسوي مقالب بالأوادم

8-وايد قرارات، أهم شي يعم الخير والسلام

يعطيج العافية عالموضوع الحلو :)
واحنا نبي نعرف إجاباتج ;)

أحمد الحيدر يقول...

يبووووووووووي الأسئلة تعور المخ :))


بس الفكرة عجبتني فحبيت أبدي إعجابي وأسلم :)

jasem يقول...

1- فرصةأشرب خمر وأطير سكران :)
2- أحط على خيمتي إسم بيت القصيد
3- أطير على خزانة وماكينة البنك الوطني
4- أروح أعيش بحديقة الحيوان :)
5- أستفسر منه عليه السلام عن سر اللي قاله لي في الرؤيا
6- أوزع على أقربائي وأبني بيوت حق سكان عشيش صليبيه واسوي جمعية خيرية سرية جاسوسية مختصة بالبحث عن المتعففين واعطائهم أموال من غير مايدرون من وين
وافتح لج قناة إسلامية ويمها محل كوكتيل :)
وبعدين أهاجر
7- أحوس وآنا أقول حسبي الله على كوتيل
8- أنفى الصهاينة بالقطب الجنوبي وأصفي كل مافيات العالم وأولهم مافيا الرقيق الأبيض وأشنق كل رؤوس الفساد وأكابر مجرمي الأرض وألغي كل البنوك ... إلخ اللستة ماتخلص :)

Made n Q8 يقول...

اول شي شكرا عالبوست الحلو

وثاني شي لقفي اجاباتي

1_ اطير فوق سطح الحبايب واقعد ابصبص عليهم واتمقل فيهم :P

2_راح ارد انام لان صج ماحب البر والصحرا.

3_ ماراح ادخل من صجج والله يدوسوني.

4_ اطق روحي واموت معاهم.

5_ بقوله ابي اكون من اهل الجنه.

6_ لا مو صج طبعا!

7_ اروح اقرص ناس باطين جبدي.

8_اشيل مجلس الامه.

November24 يقول...

بسم الله الرحمن الرحيم
احم احم p;
..
1) راح أزور أماكن ما زرتها بالعالم وأطل على ناس عزيزة على قلبي ..

2) أطل أشوف يراننا اليدد وأشاورهم بالهجره أو تطوير الوضع ..

3) محل ماك فوراً!

4) اذكر الله واستعيذ من الشيطان

5) وااايد واايد صعبه

6) استثمر وأخصص نسبة للتبرع

7)باندعس بمخابي لوادم

8) ألغي شي اسمه الواسطه من الكويت ..

بوست مميز وجميل :*

bokeh of magic * يقول...

اسئله حلوه :)
1- بطير لي بيت حبيبي و بنطره و لما يطلع بلحقه و بشوفه شسوي و اذا لقيت وقت زايد بطير و بزور دول بخاطري ازورها
2- لوول وناسه راح اجرب اعيش الحياة معاهم و احطلي خيمه
3- اروح المحلات اللي احبها و اي شي يعجبني بدون تفكير اخذه و طبعا راح اركض و اركض و اخم الاكو و الماكو P;
4- يمكن راح اخاف اول شي بس بعدين بحاول استكشف شنو موجود و اكتشف شلون استمتع و انا بهالوضع
5- اتوقع ما راح اقدر اتكلم من البجي و الصدمه
6- اطلع جزء من المبلغ للناس المحتاجه و بعدين بروح السوووووق
7- نفس اللي بسويه لما اصير طير عاد هذا الشي احسن لاني راح ادخل بيتهم بعد اونس لوول
8- اوقف كل الحروب بعدين راح احط القوانين اللي الناس تمشي عليها و طبعا كلها ماخوذه من دينا الاسلامي و راح احترم باجي الديانات

يعطييج العافيه :)

قطرة وفا يقول...

1.لو صحيت من النوم ولقيت نفسك طائر وقالو لك
راح تظل على هل حال لمدة 3 أيام شراح تسوي ؟

اروووح للعراق ...

2.اكتشف اني وين ... يمكن بزمن الرسول صلى الله عليه واله ... حلوووو :)

3.مأجه ببالي غير الالكترونيات ... ويمكن ميك اب ... الله اعلم

4.انااام :P

5.السلام عليك يا رسول الله ... صلى الله عليه واله وسلم ... وجنت رجوت منه انو يدعيلي ... ويستغفرلي :) ...

6.اشتري بيت ... :)

7.ابكي :(

8.الحكم يصير اسلامي و كل الدول تصير دولة واحدة ... لا جنسية ولا بطييخ ... تخييلي ... وناااااسة


عجبني البووووست جدااا

Princess Sara يقول...

1- بطير و أحوس و أشوف الدنيا من فوق :)

2- بدور الخيل تبعي و أطلع أشوف الصحراء :)

3- كارولينا هيريرا :)

4- بتدمع عيني و بأدعي

5- بيصير فيني شي!

6- أسجد سجود شكر :p

7- بزور خالي و أخرعه من صغري يسميني آنسه ملعقه :)

8- بحرر فلسطين :)

مشكووورة كوكتيل :) و خوش فكرة و خوش بوست

كوكتيل يقول...

أهلين غاليتي أمواج :)

صاجه على الزحمة الواحد يخاف يغامر لا يحصله طه مني ولامناك لا وممكن الألعن بعد :)

نورتيني وأسعدتني إجاباتك :)
دمتي بألف خير :)

كوكتيل يقول...

أهلين غاليتي بوك مارك :)

أمممممم بناء على رغبتك راح أحط إجاباتي وأهي كالأتي :)

1)راح تلقيني مبسطه على البحر قولي نص يوم جذي وبعدها أسافر من مكان للثاني بس تهقين ثلاث أيام بيكفون ؟

2) راح أحط لي خيمة أنا بعد إشمعنه أهم يعني :)

3) على ما خف وزنه وغلا ثمنه أكيد مالي إلا داماس :)

4) أتوقع راح أصاب بالجنون :)

5) أحبك يا حبيبي يارسول الله وأبي أكون رفيقتك في الجنة مع البجي طبعا لان ماراح أقدر أمسك نفسي :)

6) أبني مسجد لأن حييل خاطري فيها وبعدها على طول على أسوي قناتي الفضائية :)

7) راح أروح ألعب في البحر على راحتي ولا منشاف ولا من دري :)
وابني لي بيت عنده بعد بس بالزاوية عشان ما أندعس :)

8) سحب كل الأسلحة من العالم وحرقها ومنع تصنيعها على الكل عشان أمنع الحروب :)
والظالم ياويله ياسواد ليله مني :)

وبس :)

كوكتيل يقول...

أهلين فيك أخوي أحمد :)

شفت شلون أنا مو هينه :)

وعليكم السلام ورحمة الله وبركاته

نورت المدونة :)

كوكتيل يقول...

أهلين أخوي جاسم :)

واي مشكور أنك راح تفتح لي القناة أكيد عشان أنا اللي بشرتك بالمئة مليون :)

خلاص أول برنامج أسوي راح أكتبك راعي بلاتيني له :)

لا ومحل عصير بعد عاد غرامي الكوكتيلات :)

وأنا شنو ذمبي تحسبين على محد قالك تصير كبر الملعقة :)

أسعدني تعليقك :)

دمت بخير :)

كوكتيل يقول...

أهلين عزيزيتي ميد إن كويت :)

عجبتني أشيل مجلس الامة :)

تهقين بيخلونك تشيلينه؟

أكيد عاد مو بكيفهم أنت حاكمة العالم الحين :)

نورتيني غاليتي :)

كوكتيل يقول...

أهلين عزيزيت 24نوفمبر :)

أنا معاك في قرار الواسطة اللي لو إنشالك من الدنيا هذ إحنا أكيد بخير :)

البوست مميز بتواجدك فيه عزيزيتي نورتيني :)

كوكتيل يقول...

أهلين عزيزيتي باقة السحر :)

عجبني قرار الحاكمة الأول يدل على حكمة فعلا :)

أسعدني تواجدك عزيزيتي :)

كوكتيل يقول...

أهلين عزيزيتي قطر الوفا :)
أذا أكتشفتي أنه زمن رسولنا الكريم صلوات الله وسلامه عليه لانسين تاخذيني معاك :)

أتخيل أكيد وناسة وراحة وسعادة فما أحلى هذا الدين وتطبيقة فعلا هو منتهى الراحة والسعادة :)

نورتيني عزيزتي :)

كوكتيل يقول...

أهلين غاليتي الأميرة سارة :)

أهم شيء تلاقين الخيل لان صحراء ومشي بعد صعبة بصراحة :)

بس مع الخيل أكيد الجو غير :)

حلو الفكرة روحي له وقولي له كله منك كله تقول علي أنسة ملعقة لين صرت جد أنسة ملعقة عاجبك الحين يله عاد تصرف لوسمحت :)

تسلمين عزيزيتي على مرورك الغالي على جدا :)

صفحات مُلطخّة بحروفي يقول...

1- راح أفتر العالم كله ب 3 أيام ..
2- راح أتضايق ، أحب البراد ، ماحب
الحر وبيوت الشعر وهالسوالف ..
3- مادري بالضبط لأي محل راح أتوجه لول !
4- راح يضيق خلقي وأبجي لأن أصعب شي
عندي بالحياة الوحدة ..
5- الله ، صج شي حلو الواحد يتخيله ..
بعد الصلاة عالنبي وآله ، راح أسلم
عليه : السلام عليكَ يا رسول الله ..
6- أشتري بيت بنفس المنطقة اللي
ساكنين فيها أهلي ..
7- لول مادري شراح أسوي ؟!
8- أول قرار ؟! امممم مادري !
-
الفكرة جميلة جداً ، سُعدت بزيارتي
للمدونة ، ان شاء الله لا أول ولا آخر
مرة ^^

كوكتيل يقول...

أهلين عزيزتي صفحات :)

سعدت بمروروك هنا :)

وسعدت بالتعرف على مدونتك المميزة أيضا :)

خاتون يقول...

السلام عليكم ورحمة الله وبركاته
1. راح أطير بهالثلث أيام وأخلي أحد يصورني وماراح أحط على شي بس في مشكلة أخاف من الطيور لا يطلعون لي بنص السما ههههههههه

2.راح أعيش عادي وراح أبتدي أتعلم حياكة السدو علشان اسوي لي غرفة أفصد خيمة بروحي

3.راح اقول خدعة في قنبلة داخل الأمريكان متآمرين ضدنا وطبعا الكل بينحاش وأظل أنا ورفيجاتي يعني لازم وياي أحد ههههههه

4. راح أحط لي بقشة على عصى وأدور لي ناس حتى لو القى لي جثة كلش كلش أصادق الأليف من الحيوانات بعد مافي مفر

5.رفقتك يارسول الله (صلى الله عليه وسلم)

6.(أول شي أتأكد حلال 100%)بعدين أطلع 10% منها صدقة وأقعد أخطط لمشاريع تنموية بهالصدقة بعدين أكيد أونس اللي حوالي وأحقق أحلامي (إذا مو حلال هم باخذعا واتصدق فيها كلها)

7.راح أحاول أطلب مساعدة وأخليهم يحطوني بمكان مرتفع علشان محد يهرسني وأخطط أطلع من هالورطة

8.راح أطلع ألقي خطبية سيدنا أبو بكر وسيدنا عمر رضي الله عنهم وبعدها راح اخلي مستشاريني علماء الدين وأبطل كل الأسلحة الخطرة في هالعالم
وأنه القضاء سوف يتحول فورا للكتاب والسنة وأمحي البنوك الربوية بعد بذمتي ...تصدقين العالم في دمار وايد فأتوقع قراري راح يكون كتاب من 1000 صفحة ويعمم على العالم

بس موضوع حده كريتف وحلو مثل راعيته ودمه خفيف *_^

كوكتيل يقول...

أهلين خاتونه الحبوبة :)

راح أطلع ألقي خطبية سيدنا أبو بكر وسيدنا عمر رضي الله عنهم وبعدها راح اخلي مستشاريني علماء الدين وأبطل كل الأسلحة الخطرة في هالعالم
وأنه القضاء سوف يتحول فورا للكتاب والسنة وأمحي البنوك الربوية بعد بذمتي ...تصدقين العالم في دمار وايد فأتوقع قراري راح يكون كتاب من 1000 صفحة ويعمم على العالم

عجبني جداجدا قرارا الحاكمة :)

تسلمين غاليتي حييل كنت حابة أسمع ردودك على هذا الموضوع عشان جذي خليته وطولت فيه :)

والحمد لله دشيتي وأسعدتيني بإجاباتك عليه :)

دمتي بألف خير يارب :)

غير معرف يقول...

It doesn't take long for the pinner to change their tack and get with the program. Disclaimer: None of these quick weight-loss diets are intended for anyone within the established weight guidelines for the age and gender, they are not intended for anyone under 18, and they are not intended for any pregnant or lactating women, diabetics, or anyone suffering from a disease or is in overall poor health. If we starts pouring water into a bottle (glass made) without considering its capacity then after a certain time this water flow breaks the bottle. was and how they want to eat there every day of the week.

my homepage - mazungo.com

غير معرف يقول...

It depends on who you request, but quite a few pearl professionals currently agree that freshwater cultured pearls can rival the attractiveness of their
saltwater cousins. It was a phrase that was invented by an unknown advertising executive for the De -
Beers Corporation, which to this day controls well over half of the
world diamond trade. Referring with a diamond like a
blue-white diamond is these kinds of a scam.

Here is my homepage - web site

غير معرف يقول...

Dirt under the fingernails gets to the pimple to infect it further.
Utilizing laser light for facelift will certainly make your skin smoother, age lines and in addition acne scarring usually are less noticeable, and in addition
coloration more uniform. Effect of medical honey on wounds colonised or contaminated with MRSA.
Those interested in green living will most likely go for
organic, and it may be beneficial to be 100% sure your oil doesn't need any nasty chemicals in it.

Here is my webpage - scalp acne pictures (vatgiong.com)

غير معرف يقول...

There are many different styles to choose from and once again, it
would be better to ask the man for his input and what he prefers.
However a personally designed promise ring for her is an exceptional gift.
Additionally, there are alternatives to these rings for those who feel that their vow of
abstinence is strictly a personal issue, rather than a public one.


Look at my web blog - Promise Rings Men And Women

غير معرف يقول...

Promise rings are typically given as an emblem of affection and commitment.
Silver rings are more in demand these days
as wedding bands instead of the gold. I would
take my purchase to a qualified jeweler if you have doubts of its worth.


Here is my weblog promise rings for women ()

غير معرف يقول...

is attempting to throw the Christian i - Phone users demographic
a bone. Some people prefer not to wear rings, and others want to make the purity vow in private.
Silver rings are something of a craze among the couples
because they are relatively cheaper than other metals.


Also visit my website - promise ring after 6 months

غير معرف يقول...
أزال أحد مشرفي المدونة هذا التعليق.