الثلاثاء، 18 يناير، 2011

تاريخ الصلاحية

الإسبوع اللي طاف شريت معجون أسنان من الجمعية ولما جيت أفتحه لقيت هذي حالته


طبعا إنصدمت وطالعت الكرتون عشان أشوف تاريخ الصلاحية ولا طلع منتهى من شهر


6/ 2010أول شيء سويته إني رحت لأختي عشان أنبها لأن أهي بعد شاريه واحد ولا طلع
مالها هم منتهي بس شكله عادي مو خربان يعني الله ستر إن مالي خربان ولا جان أختي
إستخدمته عشان جذي قلت أنبهكم على سالفة تاريخ الصلاحية لازم تطالعون التاريخ على
كل شيء مو بس المواد الغذائية أي شيء تجيبونه لازم تشيكون وحسبي الله
ونعم الوكيل فيهم


عن نفسي راح أروح الجمعية وأشيك على الرف مرة ثانية وإذا لقيت في منتهي باخذه
وأروح أكلم الإدارة وأشوف شنو بيسون


والله يبعد عنا الغش التجاري وطمع التجار اللي مادري لوين بيوصلنا


ويارب تحفظ ديرتنا وأهلنا من كل سوء اللهم أمين يارب العالمين

هناك 24 تعليقًا:

رورو الشخبوطه يقول...

بعد الحين التموين ببلاش الله يستر من اللعب اللي بيصير :\

خلصنا من اللحوم والخضره وصلنا لمنجات العناية الشخصيه :\

ومشكوره ع التنبيه ..

أحمد محمدي يقول...

شكرا على التنبية يا كوكتيل

nnosha2011 يقول...

نبهي الاداره لا تستكتين

Made n Q8 يقول...

وي حتى بالمعجون بعد!

يعطيج العافية

حسـّون الملعـون يقول...

دام عندج الفاتورة لازم تاخذين المعجون وتردينه للجمعية

وحتى لو كنتي قاطة الفاتورة, فالعملية مسجلة بالسيستيم عندهم, هذا طبعا بفرضية إنك مساهمة بالجمعية

لا تتنازلين عن حقج, حتى لو المبلغ ما يسوى

cry angel يقول...

ههههههههههه
بيقولوك سوء تخذين

شاي الضحى يقول...

لاازم تروحين الجمعيه وتقولين لهم

انتي انتبهتي غيرج ما ينتبهون ياخذونه وبيستعملونه بدون ما يدرون

انا عن نفسي اجيك على التاريخ بكل شي

BookMark يقول...

ويه انا زين أجيك على تاريخ الأغذية هالمرة معجون :/

الله يحفظنا بس
الغش صار بكل شي

شكرًا كوكتيلة

Bint ilKuwait يقول...

Umbaaaaaaaaaaaih!!:S et9adgeeeen wayed nas ma e3arfooooooooon halshay wana minhum!!!!!!:S ya36eeeech il3afyaaaa 3ala hal na9eeee7a

كوكتيل يقول...

أهلين رورو :)

فعلا والله الله يعينا

الغش صاير بكل شي حسبي الله ونعم الوكيل :(

العفو :)

كوكتيل يقول...

أهلين أخوي أحمد :)

العفو ولو

هذا واجبي أصلا :)

كوكتيل يقول...

أهلين ننوشه :)

أكيد إن شاء الله بروح لهم

ماراح أسكت

كوكتيل يقول...

أهلين ميد إن كويت :)

أي والله الله يعينا

الله يعافيج يارب :)

كوكتيل يقول...

أهلين أخوي حسون :)

لا والله لا أنا مساهمة ولا عندي الفاتورة

بس عندي لساني اللي ماراح يسكت عن الغلط

وأنا معاك السالفة مو سالفة فلوس كليش السالفة سالفة غش تجاري وأذية للأوادم يعني أكيد هذا المعجون راح يضر الأسنان خاصتا مال أختى كان شكله عادي مافي شي ولو ما الله وكرمه وإن مالى طلع خربان جان إستخدمته وبعدين حرام الناس أغلبها ماتجيك على تاريخ هذي السوالف

يعطيك العافية :)

كوكتيل يقول...

أهلين CRAY ANGEL :)

لا بس أهو مو سوء تخزين أهو تاريخ صلاحية منتهي :(

وبصراحة كلاهما كارثة :)

بس إن شاء الله بكلمهم وشوف شراح يقولون

كوكتيل يقول...

أهلين شايونة :)

أكيد عزيزتي عشان جذي أنا قلت لكم

وبلغت كل اللي أشوفهم


وبكلم الإدارة إن شاء الله

كوكتيل يقول...

أهلين بوك مارك :)

إي والله من عقبها وأنا أجيك على كل شيء وأختى لقت ديتول منتهي الصلاحية بعدهل السالفة وكلمتهم وشالوه


إي والله الله يحفظنا من الغش وجشع التجار يارب


العفو غاليتي :)

كوكتيل يقول...

أهلين بنت الكويت :)

الله يعافيج يارب

اللهم أبعد عنا الغش التجاري يارب

Hanan يقول...

امبيه
وصلت لي هني بعد!
حسبي الله عليهم
لا تسكتين ورديه

خاتون يقول...

السلام عليكم...

شفت الصورة الثانية قبل الأولى
قلت شنو هذا نايس خخخخخخخخخخخخخ

أشوه يا معوده انه خرابه واضح
عشان تقطينه

عسى الله يحفظنا من أصحاب الذمم الواسعة
^_^

الغاردينيا يقول...

الله يبعد عنا الغش التجاري وطمع التجار اللي مادري لوين بيوصلنا

عبارة حلووووووه
و آمينن يارب
انا عاده ادور تواريخ و البلد المصنع
لاني ما اشتري اي شئ امريكي لذا اقعد اتاكد :) تحيه لحبيبتي

كوكتيل يقول...

أهلين حنان :)

أكيد عزيزتي ما سكت لهم :)

والله يعينا والله :)

كوكتيل يقول...

أهلين خاتونه :)

اللهم أمين يارب العالمين :)

أي والله ربج الحافظ :)

نورتيني غاليتي:)

كوكتيل يقول...

اهلين غاردينا الغالية جدا :)

أي والله اللهم أمين يارب العالمين :)

أنا اللي ما أشترية الدنماركي :)

عشان أسائتهم لحبيبي المصطفي صلوات الله وسلامه عليه


دائما أنتظر تعليقك لأنه يدخل الفرحه إلى قلبي والله ياغاردينا

لاحرمنا الله تواصلك الغالي :)