الأحد، 10 أبريل، 2011

ذكرياتي الجميلة الجزء الثالث :)



السلام عليكم يا أحلى القراء صار لي فترة ماكتبت لكم عن ذكرياتي الجميلة إشتقت لهذا



القسم اليوم بذكر لكم موقفين يله خلنا نبلش



طاحت بالمصيدة



هذا موقف صارى لي بالثنوي مع رفيجتي الغالية فاتي كل ما ني نشرب ماي ترش علي


وتنحاش وما يمدي أرش عليها وأغرقها فمايحوشها وايد فمرة من المرات رشت علي



وإستغربت إني مارديتها لها ماتدري بالنية السوده سكت وضحكت قالت لي سوسو رشيت



عليج ماي ماراح تردينها لي ضحكت قلت لا عادي وأهي تطالع لي مستغربه شفيها هذي



العادة ما أسكت طنشت وحسستها إني نسيت وعقب قعدنا نسولف وشوي ويت أختها وقعدت



معانا وأنا قاعدة أسولف معاهم وأخطط بنفس الوقت أفكر شلون أردها لها كان ودي بغرقه



مو بس رشه بسيطه بس شلون ياربي لو خذيت الماي بإيدي لين أوصل لها راح يقل طيب



شسوي شسوي وفجأة يتني الفكرة الشيطانيه رحت خذيت كودة كلينكس ورحت أترسها ماي



قلت لهم دقيقة وراده رحت عبيتها بذمه وضمير من غير ولا عصرة الله وكيلكم لا واللي



يضحك أختها المسكينه قاعدة ويت من ظهر رفيجتي وأختها مو مستوعبه ولا أجي فوق



راسها وأعصر المسكينه تغرقت تقولي يمه منج من وين فكرتي فيها أنا أقول بتردينها لي بس



ماتوقعت جذي فصلنا طبعا من الضحك وموقف ما أنساه لليوم ما أنسى تعابير وجها ولا



صدمت إختها ظلينا نضحك لين قلنا بس



اللقاء الأول




أول مادشيت المرحلة الثانوية كانت معاي أختي أنا أولى وأهي رابعة في أول يوم لي كنت



مضايقه لأن ماكان معاي ولا وحده من رفيجاتي من المتوسط وقلت لأختي تعالي لي في



الفرصة الأولي عساس تدليني على صفي وتقعد معاي ولا في الحصة اللي قبل الفرصة



تعرفت على بنت حبوبة وظلينا نسولف وقالت لي تعالي معاي أنا أدل قلت أوكي لما تجي



إختي راح أقول لها تروح يت أختي وكان هذا الحوار : إختي: يله جان أقول لها لا خلاص



بروح مع البنت قالت لي لا أنا أوديج قلت لها لا خلاص ندل وأهي مصرة لا وعافسه الويه



وأنا أقول ياربي شفيها أختي مو جذي وأنا أقول لها روحي وأهي مصرة وتطالع البنت



بنفسية أمبي شفيها وتنحت قالت خلاص أنا أوديكم قلت خلاص أوكي وإحنا ماشين ولا تسأل



البنت إنت أخت فلانه قالت لها إي وهذيج شينت النفس زيادة قلت وي شفيها ولاعقب شفتها



وكنت بروحي وأسالها عسى ماشر خيتو شفيج مشينه النفس على البنت ولا تقولي يعني



خلصت الدفعه كلها لما ترافجين هذي البنت قلت لها شفيها البنت حبوبة وكيوت جان تقولي



أنا توني متهاوشه مع أختها الكورس اللي طاف وأنا أرد نعم حبكت وبعدين إنت من متى



تهاوشين إن شاء الله ترد أختي : لارفيجتي تهاوشت معاها وأنا فزعت أنا : نعم مو صج قلت



حبيبتي كيفج إنت وإياها أنا البنت حبيتها وما فيها شي وفعلا هذي رفيجتي تعرفت عليها من



أول يوم بالثانوي ورفيجات للحين الحمد لله وكل ما أذكر السالفة أضحك وأذكر أختي فيها




وتضحك تقولي أمبي ما أنسى شلون كنت نفسية على البنت حرام وياليت الهوشه تسوى فعلا




هذا الموقف يدللي على إن الدنيا مو صغيرة إلا صغيرة وصغيرة وصغيرة



بس كافي دوخت راسكم إنتظرو بقية الذكريات إن شاء الله

هناك 6 تعليقات:

خاتون يقول...

السلام عليكم...
فكرة الماي عجيبة حلوة أطبفقها على يوم عاد أنا أحب المغالب حد الدوسه *_^

وعسى الله يخليكم لبعض أنت وصديقتج أنا وحدة من صديقاتي كنت متهاوشة معاها وفجأة صرنا صديقات


خوش مواقف حلوة بحلات راعيتها
وبانتظار مزيدج ومميوج عزيزتي

موفقة^_^

the LEADER يقول...

احنا الشباب غير ، هوشاتنا الله لا يوريكم ، طق ودم ، وبعد اسبوع نكلم بعض ونضحك مع بعض والوضع طبييييعي :) ، اما البنات الوضع مأساوي ..

الموقف الأول : هم انا واخواني مو بس ماي لا ، لو حتى طقة خفيفة ، يردها لك ، واحلى شي لما يطقك خفيف تردها قوية ، تحس بتطلع روحه من الحرة ، بس القانون يقول طقة بطقة :)

مشكوووورة خوش بوست ، واسمحيلنا على التطفل والإزعاج والإطالة..

كوكتيل يقول...

أهلين خاتونه :)

اي والله وناسة جربيها وشوفي ردة الفعل :)

الله يسلمج يا رب:)

حلاته بالحلوين اللي يقرونها والله :)

كوكتيل يقول...

أهلين اخوي القائد :)

اي عاد انتم الشباب صج غشمرتكم ابداع معرووفه :)

بس صاج على القانون حلو واحلى شي ان الرد يكون اقوي بس ما كو وحده بوحده بس :)

نورتني اخوي واسعدني تواجدك هنا :)

غير معرف يقول...

On the other hand, in case you carry time for you
to observe them, you are going to see a huge advancement inside
high quality of one's photographs. People are still talking about it today, even though she has had a whole new set of commitment rings (commitment, not wedding, people) with Brad Pitt. The style of the men promise ring is also a very sensitive issue.

Also visit my web site promise rings 14k

غير معرف يقول...

Women, if a man gives you a promise ring, be cautious.

Diamonds are all about getting engaged large size rings, while gold is associated with marriage.
The binding of relationships with these small round structures
has an eternal importance.

My webpage promise rings nashville tn ()