الجمعة، 21 ماي 2010

فيلم نور عيني





السلام عليكم :)


أمس نزل عندنا فيلم نور عيني لتامر حسني وطبعا كنت ناطرته نطره :)



حجزنا أون لاين طبعا لان زحمة مافي مجال تروحون وتحصلون إلا إذا حاجزين


بس حياتي فوفا ( إختي ) كانت حاجزه معانا تعبت على أخر شيء ماقدرت تروح (سلامات حياتي ) بس إن شاء الله بروحه معاها مره ثانيه لأن خاطرها تشوفه :)



ماراح أقول أي تفاصيل عن الفيلم لأن أدري إن وايد ناس ناطرته تبي تروح له فما راح أخربه عليكم فبس راح أحط دعاية الفيلم :)



(إضغط هنا )


أما عن رأي في الفيلم :



وايد عجبني ما توقعته جذي بصراحة وأول مرة احس أن تامر حسني يمثل بقوة


والفيلم لمعلوماتكم مو كومدي حيل لا دش فيه تراجيديا وايد والقصة أوكي والتمثيل كان حلو من الكل ولكن ما أعيبه عليه إن في كم لقطة كانت جرعة النكد زايده فيها بصراحة ما كان له داعي كل هذا :(


ولكن في المجمل أوكي حلو أنصحكم تروحونه وأنتظر رايكم فيه :)





هناك 15 تعليقًا:

الغاردينيا يقول...

تريدين صراحة هذا تامر حسني ما اطيقه خالص ههههه لا من قريب ولا من بعيد
وخصوصا لما سمعت تعليقات تقول انه بتاه الشباب وووو بينما فيديو كليبه الاخير قلد فيه موسيقى لمايكل جاسكون وكان الكليب من اوله لحركاته ايحاءات جنسية
هدامه للاسف لذا انا بسميه مخرب شباب

مع ذلك سالقى نظرة عالفيلم بعد التخلص من الامتحانات ههههه

سلام يا عسلي

رورو الشخبوطه يقول...

سلامة اختج..

وانا توني رايحته بالعكس مو زحمه واايد اماكن فاضيه انا حاجزه قبل لا يبدي الفيلم بربع ساعه ..

ورايي توني منزلته خخ..

اهو عادي بس يضحك ..

ومرسي ..

شاي الضحى يقول...

انتي اول وحده اسمعها تمدحه

تامر سخيف ما احبه وايد مصدق عمره


:)

BookMark يقول...

ولو اني خذيت عهد على نفسي ماادش افلام نكد مالي خلق يتنكد يومي p;
بس مدحج للفلم بيخليني اغير رايي :)

كوكتيل يقول...

أهلين غاردينا الغالية جدا :)

والله ياالغالية أنا ما أشوف كليبات لأن ما أسمع أغاني :)
بس حدي أفلام بس بصراحة أفلامه حلوة :)

وهذي مشكلة أغلب الأفلام ان وايد إيحاءات

بس بصراحة هذا الفيلم ما في ما شفت يمكن لأن عندنا يقطعون الفيلم :)

فأنصحك تشوفينه وأنتظر رايك :)

والله يسهل عليك الإمتحانات يارب العالمين:)

والله يسلمك ياغاليتي :)

كوكتيل يقول...

أهلين رورو

الله يسلمك يارب

أم عن الزحمة يمكن عشان إنت تروحين مبكر بس من عقب الساعة 5 إبداع

إحنا رحنا في 360 اللي يعتبر هادي حتى في الخميس والجمعة كنت أروح له كان هم فاضي هل مرة زحمة حيييييييييل :(

اما رايك فراح أشوفه إن شاء الله وأرد عليه :)

كوكتيل يقول...

أهلين شايونة :)

ما أدري انا أسمع وايد يحبون أفلامه جوها حلو :)

ونورتي المدونة حياتي :)

كوكتيل يقول...

أهلين بوك مارك :)

لا أهو كويدي بس فيه لقطات نكد ما كان لها داعي براي :(

بس أنصحك فيه حلو والله :)

وهذي ثقة غالية عزيزتي تسلمين يارب :)

Nn يقول...

حياتي سوسو الله يسلمج ومشكوره انج دشيتي الفيلم للمره الثانيه عشاني
الصراحه الفيلم ماعجبني وضاق خلقي توقعت بدش أضحك دشيت بجيت ("،)
والنهايه بعد مااعجبتني مو واقعيه !!!!! تامر لايمثل تراجيدي حلاته كوميدي وبس

موناليزا يقول...

بيقولوا فى اغنية فى اخر الفيلم لعمرو دياب
ياترى ايه هى؟

كوكتيل يقول...

أهلين nn:)

أكيد أدشه ولو مليون مره عشانك حياتي :)

أنا قلت لك الفيلم تراجيدي ما صدقتي :)



حرام أهو بهالفيلم مثل عدل وهذا اللي عجبني :)

بس أحنا عشان متعودين أن أفلامه تضحك :)

نورتي المدونة حياتي :)

كوكتيل يقول...

أهلين بالغالية موناليزا :)


أخر الفيلم عاد أغنية غنها أهو تامر في الفيلم أهي ( ياانا يابلاش ) بس يمكن قصدك في لقطات داخل الفيلم وأهو راكب السيارة قال لها سمعي هذي الأغنية أهديها لك وسمعها أغنية لعمرو دياب سألت لك خواتي قالو أغنية تملي معاك :)

V I E W يقول...

ما ابلعه تامر

غلطت مرة ورحت فلم عمر و سلمى ١
كنت صج مستغربه شكثر راحوله وامدحوه وما بقى احد ،
ف قلت خنروح

للاسف

كانت غلطه غلطه لووول

عموما ماحب الافلام المصرية

يعطيج العـاافيه :)

غير معرف يقول...

naturally like your website but you have to take a look at
the spelling on quite a few of your posts.
Several of them are rife with spelling problems and I to find it
very troublesome to inform the truth however I'll definitely come again again.

My webpage; Bench Craft Company

غير معرف يقول...

Does your blog have a contact page? I'm having problems locating it but, I'd like to shoot you an e-mail.

I've got some recommendations for your blog you might be interested in hearing. Either way, great website and I look forward to seeing it grow over time.

Look at my blog post; Bench Craft Company advertising agencies in atlanta internships